U kap me 4 kg heroinë , 29-vjeçari habit gjykatën me deklaratën e tij

Bledar Shqarthi është 29-vjeçari, i cili u kap pak ditë më parë në portin e Durrësit me 4 kg lëndë narkotike të tipit heroinë.

Gjykata e Krimeve të Rënda caktoi për Shqarthin masën e sigurisë arrest me burg pa afat.

Ai nuk pranoi të fliste në gjykatë duke deklaruar se do të jepte shpjegime një moment të dytë.

Mendohet se ai kryente rolin e korrierit për drogën që kishte si destionacion Italinë dhe paguhej rreth 2000 euro.

Në vlerë tregu lënda narkotike kapte vlerën e 80.000 eurove.

Droga u zbulua nga qeni Antidrogë në një kamion me targa AA 519 TJ që priste të imbarkohej në tragetin e linjës Durrës-Ankona.