“U tmerrua nga lajmet për Olsin”, Berisha zbulon përse SPAK mësyu sot në Bashkinë e Tiranës!

Ish kryeministri, Sali Berisha në fjalimin e tij nga dritarja e banesës ku po vuan masën “arrest me burg”, deklaroi se kryeministri Edi Rama është tmerruar nga lajmet për lidhjet e vëllait të tij, Olsi Rama, me krimin.

Sipas Berishës, arsyej përse SPAK-u mësyu në Bashkinë e Tiranës, pikërisht sot, është sepse donte të hiqte vëmendjen dhe të ulte denoncimin që po bëhet ndaj vëllait të tij, Olsi lidhur me çështjen e Xibrakës.

“Edi Rama sot mori atë që meritonte. Një javë më parë, ai në Opinion do t’i shtrembërohej fytyra dhe do nxirrte fjalë që vetëm ai mund të nxjerrë, kur moderatori i rikujtoi akuzën për Olsi Ramën në dosjet e hetimit.

Fyeu me fjalët që vetëm ai i ka të vetëm, kryetarin e grupit parlamentar të opozitës, Gazment Bardhi, i cili iu përgjigj fjalë për fjalë: a je burrë, më prit në Opinion javën që vjen, të të faktoj me dokumente zyrtare se cili është Olsi dhe roli i tij.

Sonte, pas përpjekjeve që bëri për të dështuar emisionin, ka ngritur në këmbë polici dhe spiunë. Por shqiptarët do e shohin se kush është Edi Rama, se ç’përfaqëson klani Rama, se ç’përfaqëson drejtësia e tij. Shqiptarët me dokumente do shohin se pushteti i tyre nisi me drogën dhe do sosë me drogën gjer në përmbysjen e ardhshme.

Të dashur miq, i shastisur nga lajmet e drogës, në të cilat dosje hetimore faktonte se njeriu i paidentifikuar, 45-vjeçari me flokë të shkurtra dhe surrat Olsi, ishte vëllai i tij, urdhëroi Dumanin e tij të presë ca koka turku në mënyrë që publiku shqiptar të mos përqendrohen tek Olsi sonte, por të merren me Qaton dhe stër-Qaton.

Të dashur miq, fatkeqësitë këtij kombi dhe asnjë kombi tjetër, nuk i vijnë nga poshtë lart, por i vijnë nga lart poshtë. Fatkeqësitë nuk vijnë nga qytetarët, por vijnë nga pushtetarët hajdutë. Nga pushtetarë që vjedhin dhe i shtypin. Kjo është historia”, tha Berisha.