U vra me atentat në Vlorë, zbardhen ngjarjet ku ishte implikuar Kristian Marku

Shtetasi Kristian Marku alias Kristi Bardhi  që mbeti viktimë sot në autostratën Fier-Vlorë, dyshohet të jetë autor në ngjarjen e datës 26.03.2023, rreth orës 19:00, ndodhur në Rreshen, Mirditë, ku pati të shtena me armë zjarri në drejtim të shtetasit me iniciale S. R… Veprat penale të konsumuara: “Vrasje me dashje në bashkëpunim mbetur në tentativë” dhe “Mbajtja pa leje e armëve të zjarrit dhe municionit luftarak”.

Kurbin/Finalizohet operacioni policor i koduar “Tentativa”. Sekuestrohet një armë zjarri pistoletë me fishekë në të. Hodhi nga dritarja e automjetit që drejtonte, pistoletën që mbante me vete, sapo shërbimet e Policisë e sinjalizuan për të ndaluar. Vihen në pranga 28-vjeçari. I arrestuari, i dënuar më parë për armëmbajtje pa leje, procedohen në gjendje të lirë, për moskallëzim të krimit, 4 pasagjerët në këtë automjet.

Si rezultat i informacioneve të siguruara nga inteligjenca policore, se një shtetas që lëvizte me automjet posedonte armë zjarri pa leje, shërbimet e Komisariatit të Policisë Kurbin, në bashkëpunim me ato të Forcës së Posaçme “Shqiponja” të DVP Lezhë, finalizuan operacionin policor të koduar “Tentativa”. Në kuadër të këtij operacioni u kap në flagrancë dhe u vu në pranga shtetasi K.M., 28 vjeç, banues në Mamurras, për veprën penale “Mbajtja pa leje dhe prodhimi i armëve, armëve shpërthyese dhe i municionit.”

Në afërsi të fshatit Shëmri, Kurbin, shërbimet e Policisë sinjalizuan për të ndaluar automjetin që drejtonte shtetasi K.M. Sapo ka parë shërbimet e Policisë, ky shtetas ka hedhur nga dritarja e automjetit një armë zjarri pistoletë me fishekë në të, të cilën e posedonte pa leje. Shërbimet e Policisë e gjetën armën e zjarrit dhe e sekuestruan me cilësinë e provës materiale.

Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për veprën penale “Moskallëzimi i krimit”, për 4 pasagjerët në automjetin që drejtonte 28-vjeçari: shtetasit E.R., 40 vjeç, banues në Mamurras; A.XH., 45 vjeç, banues në Mamurras; B.M., 56 vjeç, banues në Prishtinë; Z.K., 50 vjeç, banues në Mamurras. Materialet procedurale iu referuan Prokurorisë për veprime të mëtejshme, njofton Policia.