Mos vallë një nga punët e mira është mashtrimi me mbjelljen e 1 milion pemëve? Apo e ka ngatërruar me punën reale atë të ndërtimit të 1 milion pallateve e kullave në Tiranë.
RAPORTI NXJERR GËNJESHTRËN E VELIAJT
Erion Veliaj nuk ka ndalur në asnjë moment propagandën e tij. Një nga gënjeshtrat e tij më të mëdha është fakti që shprehet se po bën pyllin orbital, që ka mbjellë 1 milion pemë.
Por raporti i Bankës Botërore e thotë e bardha në të zezë që kjo është një gënjeshtër.
Një raport i Bankës Botërore mbi gjendjen e ekonomive të Ballkanit Perëndimor ka rrëzuar përfundimisht tezën e Tiranës së gjelbër duke ekspozuar një nga mashtrimet më të mëdha publike.
Sipas Bankës Botërore, në 7 vitet e fundit Tirana jo vetëm që nuk është bërë më e gjelbër, por përkundrazi, ka shënuar reduktim të sipërfaqeve të gjelbra.
“Qytetet e mëdha të rajonit, si Beogradi, Shkupi, Sarajeva dhe Prishtina dëshmuan një rritje të sipërfaqes së gjelbër midis 2015 dhe 2020, ndërsa Tirana, Tetova dhe Prizreni përjetuan rënie në mbulesën e gjelbër,” thuhet qartë në raportin e Bankës Botërore.
Cilat janë punët e mira që ka bërë me drejtorët e tij hajdutë, pylli orbital, i cili ka përfunduar në kosh me këtë raport nga Banka Botërore?
Që ka gënjyer dhe ka mashtruar me drejtorët e tij hajdutë ashtu siç mashtron kur thotë kemi bërë punë të mira. Mashtrimin e Veliajt e nxjerr Banka Botërore në raportin e saj, ku thekson faktin se nuk ekziston Tirana e gjelbër që pretendon Veliaj. Punët e mira nuk mund të bëhen me hajdutë.