Vettingu i Irena Gjokës nën dyshime të forta dhe pikëpyetje

Debati mbi integritetin e procesit të Vettingut është rindezur pas publikimit të pretendimeve për parregullsi në rastin e gjyqtares së posaçme Irena Gjoka. Sipas raportimeve mediatike, përveç çështjeve të ngritura më herët mbi formularin e dekriminalizimit, janë bërë publike edhe dyshime lidhur me deklarimin e pasurisë së saj.

Pretendohet se një dokument i ish-Komisionerit Publik, i cili kërkonte shkarkimin e gjyqtares për probleme me justifikimin e pasurisë, nuk figuron më në dosjen zyrtare të procesit.

Më pas, ankimi ndaj vendimit të Komisionit të Pavarur të Kualifikimit u tërhoq nga pasuesi në detyrë, duke i hapur rrugë konfirmimit të saj.

Këto zhvillime kanë shtuar pikëpyetje mbi transparencën e procesit të rivlerësimit. Deri tani nuk ka një reagim zyrtar nga institucionet e Vettingut apo nga vetë gjyqtarja lidhur me këto pretendime.