VIDEO/ Si gënjeu Rama në Londër për vizitën e tij në Rusi

Kryetari i Partisë Demokratike, Sali Berisha, ka reaguar me ironi ndaj kryeministrit Edi Rama, duke e quajtur “Maduron e Beogradit” dhe duke ngritur dyshime për motivet e reagimeve të tij lidhur me aferën “McGonigal”.

Berisha ka shpërndarë në Facebook një video ku Rama shfaqet në Londër duke mohuar se ka kryer ndonjë vizitë në Moskë për të takuar përfaqësuesit e Kremlinit. Megjithatë, sipas Berishës, kryeministri në vitin 2020, gjatë drejtimit të OSBE-së nga Shqipëria, ka zhvilluar një vizitë në Rusi.

“Mirë që gënjen, po pse vallë? McGonigal dhe agjenti rus i dënuar i kanë kallur tmerrin Maduros së Beogradit?”- shkruan Berisha, duke nënkuptuar lidhje të errëta mes Ramës dhe aktorëve të kësaj çështjeje.