Viktima u përplas nga autobusi, pas tij makina e mori zvarrë disa metra

Një ngjarje e rëndë ka ndodhur në Durrës, ku një person ka gjetur vdekjen tragjikisht.

Fillimisht viktima, ende i paidentifikuar, është përplasur nga një autobus pranë Urës së Dajlanit, ndërsa ishte duke udhëtuar me një motoçikletë.

Siç shihet edhe nga pamjet, makina e ka tërhequr viktimën prej disa metrash dhe më pas e ka lëshuar.

Policia ka njoftuar se bëhet fjalë për një aksident, ndërsa po punohet për zbardhjen e shkaqeve dhe rrethanave të plota të ngjarjes së rëndë.

Njoftimi i policisë:

Rreth orës 20:10, në aksin rrugor Tiranë- Durrës,​ në afërsi të karburant “Elda”, në Shkozet, ​ nje​ mjet ende i pa identifikuar ka përplasur​ një​ motoçikletë​ , dhe si pasojë ka ndërruar jetë drejtuesi i motoçiketës, rreth 40 vjeç, ende i pa identifikuar.

Grupi hetimor ndodhet në vendin e ngjarjes.

Vijon puna për zbardhjen e rrethanave të ngjarjes dhe identifikimin e autorit .