Vlorë, gjendet një gomone në Radhimë, dyshohet se përdorej për trafik droge

Policia e Vlorës ka sekuestruar një gomone në Radhimë. Gomonja me 9 metra kishte dy motore të fuqishëm është gjetur në breg të detit, dyshohet se përdorej për trafik droge.

Gjatë mëngjesit të sotëm shërbimet e Policisë Kufitare sëbashku me Delta Forcën gjatë patrullimit të kontrollit të territorit kanë konstatuar në vendin e quajtur Radhimë  në breg të detit  një gomone 9 metra të gjatë me dy motorrë.

Nga verifikimi paraprak dyshohet se mjeti mund të jetë braktisur dhe se në brendësi të tij nuk është gjetur asnjë send i kundërligjshëm.

Po vijojnë verifikimet për dokumentimin e plotë ligjor dhe identifikimin e pronësisë së këtij mjeti.