Vlorë/ Shkaktoi aksidentin ku mbetën të plagosur dy persona, arrestohet 33-vjeçari

Një 33 vjeçar është arrestuar nga policia e Vlorës pasi u përfshi në një aksident të premten. Mësohet se i riu po drejtonte automjetin pa leje drejtimi, kur është përplasur me një tjetër mjet.

Për pasojë mbetën të lënduar shoferi dhe pasagjerja që ndodheshin në mjetin që u përplas.

Raportohet se të dy këta shtetas ndodhen në spital, jashtë rrezikut për jetën.

“Është arrestuar nga policia e Vlorës një 33-vjeçar, me inicialet A.F.. Ky i fundit një ditë më parë duke drejtuar automjetin, pa leje drejtimi, është aksidentuar me një automjet tjetër me drejtues shtetasin D. D., 33 vjeç, i cili si pasojë ka ngelur i dëmtuar së bashku me pasagjeren shtetasen E. K.

Të dy këta shtetas ndodhen në spital, jashtë rrezikut për jetën. Materialet iu referuan Prokurorisë, për veprime të mëtejshme”, njofton policia.