Vokshi: Në vend të blejë tampon, Rama mbulohet me sulme banale ndaj opozitës
Ish-deputetja demokrate, Albana Vokshi, i ka cilësuar sulme banale politike ndaj opozitës, dështimin e Ramës me pandeminë. Sipas Vokshit, përgjigja e vetme e Ramës është sulmi politik në vend të blerjes së tamponëve.
‘Dështimi i Edi Ramës me pandeminë nuk mund të mbulohet me sulme banale politike ndaj opozitës.
Partia Demokratike është bërë zëri i qytetarëve, që nuk gjejnë asnjë mbështetje nga qeveria. Kemi që në mars që i kërkojmë Edi Ramës të rrisë testimet.
Përgjigja e tij është sulmi politik në vend të blerjes së tamponëve.
Kjo politikë skandaloze e Edi Ramës është arsyeja kryesore pse Shqipëria është e fundit në Europë për testimet, pse numri i vdekjeve është rritur, pse situata ka dalë jashtë kontrollit dhe pse rrezikojmë të mbyllemi sërish.’
Keni një histori? Denonco anonimisht, identiteti juaj mbrohet.
Denonco
