Vrasja e Ardian Nikulajt, burg përjetë për autorin Ruben Saraiva

Gjykata e Lezhës ka dhënë vendimin përfundimtar duke dënuar me burgim të përjetshëm autorin e vrasjes së Ardian Nikulajt.

Sipas vendimit, shtetasi portugez Ruben Saraiva është shpallur fajtor për ekzekutimin e Nikulajt dhe do të vuajë dënimin maksimal të parashikuar nga legjislacioni penal.

Ngjarja e rëndë ndodhi në vitin 2023 në zonën e Shëngjin, ku Nikulaj u qëllua për vdekje brenda një lokali. Rasti shkaktoi reagim të gjerë publik për shkak të mënyrës së organizuar të krimit.

Sipas hetimeve, vrasja ishte e mirëplanifikuar, me autorët që kishin studiuar në detaje lëvizjet e viktimës dhe kishin koordinuar çdo hap të ekzekutimit.