Zbulohen dy mina antitank në Borsh

Dy mina antitank janë larguar me sukses nga zona e Borshit, në Njësinë Administrative Lukovë, Bashkia Himarë, pas një ndërhyrjeje të specializuar nga ekspertët e Forcave të Armatosura.

Operacioni u zhvillua pas një kërkese për mbështetje me specialistë të EOD-së, strukturë e specializuar për identifikimin, trajtimin dhe neutralizimin e mjeteve shpërthyese.

Ndërhyrja përfundoi pa probleme të raportuara. Deri më tani, nuk janë bërë publike të dhëna mbi origjinën e minave antitank, kohën kur janë vendosur apo rrethanat në të cilat u zbuluan.