Zgjedhjet/ Kurti humbet 9 deputetë, PDK shton 2, LDK 5 më shumë

Procesi i numërimit të votave në Kosovë është drejt përmbylljes, me rreth 99% të votave tashmë të numëruara. Rezultatet paraprake tregojnë se Vetëvendosje mbetet forca e parë politike në vend, por ka pësuar një rënie të ndjeshme në përfaqësim, duke humbur 9 mandate krahasuar me zgjedhjet e 28 dhjetorit 2025.

Partia Demokratike e Kosovës renditet me 21.22% të votave, duke siguruar një rritje prej 2 mandatesh në krahasim me zgjedhjet e fundit.

Ndërkohë, Lidhja Demokratike e Kosovës ka arritur në 17.6%, rezultat që përkthehet në 5 mandate shtesë për këtë forcë politike.

Aleanca për Ardhmërinë e Kosovës ka marrë 7.1% të votave, duke siguruar gjithsej 8 mandate në Kuvend.

Këto shifra konfirmojnë një ndryshim të balancave politike në vend, duke e bërë më të hapur garën për krijimin e shumicës parlamentare dhe formimin e institucioneve të reja.