750 milionë euro humbje për Bundesligën, pasojat e koronavirusit

Në kohën kur thuajse e gjithë bota është në gjendje të jashtëzakonshme, si pasojë e Covid-19, edhe futbolli po e pëson keq.

Futbolli dhe të gjitha sportet janë duke u pezulluar për kohë të (pa)caktuar, duke bërë që edhe skuadrat të kenë humbjet e tyre në para.

Bundesliga mund të regjistrojë deri në 750 milionë euro humbje në këtë situatë, shkruan ‘Bild’.

Në rast se kampionati pezullohet krejtësisht, klubet duhet të përgatiten për dëme ekonomike deri në tre çerek miliardi.

Këto shifra janë përafruar nga agjencia e lajmeve gjermane, e afërt me ligën gjermane.