FOTO/ Nis protesta e diasporës para Kryeministrisë: Jemi këtu për të gjithë

Qytetarë shqiptarë që punojnë dhe jetojnë në diasporë janë mbledhur sot në një protestë para Kryeministrisë. Kjo protestë sipas tyre është për të gjithë qytetarë, për studentët dhe për këdo që ka pakënaqësi kundër qeverisë.

Një prej organizatorëve të kësaj protestë, Gent Sejko tha se shqiptarë nga vende të ndryshe të botës janë bashkuar në protestën.

“Jemi këtu për studentët për minatorët, naftëtarët, biznesin ish-të përndjekurit politik, pensionistët dhe për çdo shtresë që ndihet i shtypur nga ky sistem jo thjesht nga qeveri”, u shpreh Sejko.

Ndërkohë që një protestues tjetër që kishte ardhur nga Amerika, shtoi se kjo protestë duhet të kthehet në një parti politike me nuanca nacionaliste. “Të formojmë një parti nacionaliste që djemtë dhe vajzat Shqiptarë të zgjohen nga gjumi”, shtoi ai.

Nga ana tjetër dhe banorët e Unazës së re, kanë vijuar edhe sot protestën e tyre në ditën e 55-të. Sot ata nuk po protestojnë afër banesave të tyre, të cilat preken nga projekti, por kanë nisur një marshim në këmbë drejt Kryeministrisë.

Këtë gjë ata e kishin paralajmëruar dhe dje, ku thanë se do i bashkoheshin protestës së diasporës.