Emrat/Aksident i rëndë në aksin Levan-Tepelenë, humbin jetën dy persona

Përditësuar më 6 Janar 2019, 20:37

Një aksident i rëndë, me pasojë vdekjen e dy personave ka ndodhur në aksin rrugor Levan Tepelenë, në afërsi të fshatit Kashisht. Dy persona kanë gjetur vdekjen e menjëhershme nga aksidenti, ndërsa të plagosur dyshohet se kanë mbetur 12 persona.

Sipas dëshmimtarëve të ngjarjes tragjike, dy automjete janë përplasur me njëra-tjetrën, duke sjellë si pasojë humbjen e jetës së dy personave. Policia është në vendgjarje dhe po heton shkaqet e ngjarjes. Raportohet se personat që humbën jetë në aksidentin në autostradën  Levan-Tepelenë janë Durim Lamaj  50 vjeç dhe Fetah Shahaj, 64 vjeç. Dy viktimat  ndodheshin brenda makinës në momentin kur ka ndodhur aksidenti.