PAMJET/ Sherr në lokal, goditet me armë në kokë i moshuari

Një 71 vjeçar nga Memaliaj është qëlluar me pjesën e pasme të pistoletës në kokë nga një person ende i paidentifikuar nga policia.

Mustafa Mustafai është dërguar në spitalin e Gjirokastrës pasi ka marrë një plagë në kokë, ndërsa mësohet se pak para ngjarjes, ai ishte grindur me një person në lokalin e lagjes, ndërsa sulmi i është bërë në dyqanin e tij.

Burime nga policia deklarojnë se i moshuari është sulmuar ndërsa ndodhej në dyqan bashkë me të shoqen, dhe i është vjedhur një celular dhe një shumë parash.

Nga ana tjetër, vetë i moshuari ka deklaruar në sppital se nuk e kanë grabitur por se pas një sherri që ka pasur në lokal, një person ka shkuar më pas në ambientin e dyqanit të tij dhe e ka sulmuar.

Deri më tani ende nuk ka një komunikatë nga policia, ndërsa burime nga spitali i Gjirokastrës, për “Panorama” kanë thënë se i moshuari ndodhet jashtë rrezikut për jetën.