Paralajmërimi i fortë i Ramës për Universitetet: Nëse nuk plotësoni kërkesat e studentëve, ne do të…

Kreu i Qeverisë, Edi Rma i pranishëm në prezantimin e bibliotekës dixhitale për universitetet, u ndal edhe tek kërkesat e studentëve të parashtruara në protestat e dhjetorit.

Kryeminsitri u ndal tek ata që i cilësoi tre pikat jetike për kalimin e universitetve në një stad tjetër, transparenca e titujve akademikë vlerësimi nga ana e studentëve për performacën e pedagogëve dhe shqetësimi i studentëve për tregun e shitje së librave të pedagogëve në kërkim të notës, ndërsa shtoi se ka rezerva të konsiderueshme lidhur me drejtimin e Univeristetit të Tiranës.

Ai akuzoi Universitetet se nuk po marrin masat e duhur për plotësimin e këtyre kërkesave, duke theksuar se nëse ato nuk plotësohen qeveria do të ndërhy duke marrë kompetencat e Universitetve, masë për të cilën u shpreh se nuk do të ishte kjo ajo që do të donte të bënte.

“Unë  e kamë thënë edhe herë tjetër dhe nuk është sekret që për sa na takon kemi rezerva të konsiderueshme lidhur me drejtimin e Universitetit të Tiranës. Është koha për të adresuar inkopetencvën e plotë dhe mungesën e vullnetit alarmante të konstatuar në raport edhe me gjithçka që ne kemi bërë për të aderesuar ankesat e studentëve. Ka ardhur koha të hapim një proces transparent për të adresuar këtë problem. Rektorati i Universitetit të Tiranës është vendi ku duhen të adresohen probelmet dhe jo të krijohen.

Ne nuk mundet të ecim dhe të shkojmë asgjëkundi për të adresuar tre pika që mbeten në ajër që janë aspekte jeteike për kalimin e univeristetit në një stad të ri. Transparenca e titujve akademikë, është diçka që ministria nuk e bën dot vetë. Duhet ta bëjë çdo universitet. Nuk mund të ndërmerret kur rektorati i Universitetit të Tiranës bën sikur nuk dëgjon duke krijuar hapësirë për çoroditje.

Së dyti vlerësimi nga ana e studentëve për performacën e pedagogëve, një kërkesë legjitime. Nuk po ndodh nuk shohim asnjë shenjë.

E treta shqetësimi i studentëve për tregun e shitje së librave të pedagogëve në kërkim të notës. As kjo nuk po adresohet asgjëkundi.

Ajo që është më shqetësuese të studimeve të larta është që duke mos ndarë pedagogët që meritojnë vendin që kanë nga sharlatatnët që paraqiten si doktorë shkencash duke marrë më qafë studentët, sot ne nuk vendosim Universitetin në bazat e duhura për të pasur nesër një standart tjetër, këto janë çështje të patjetërsueshme.

Nëse nuk zgjidhim problemin e mendjes brenda universitetit dhe nëse nuk krijojmë ndarjen mes atyre që janë realisht njerëzit e duhur në vendin e duhur me ata që janë sharlatanë ne nuk kemi bërë atë që duhet për ta vendosur arsimin e lartë në një bazë të re dhe këtë duhet ta bëjë universiteti. Unë shpresoj të mos lindë nevoja që ne të ndërhyjmë në ligj.

Po pres me durim që të shohim që ky proces të hapet. Ne jemi këtu për të bërë reformat dhe për t’i çuar ato deri në fund. Jemi këtu për të bërë detyrën. Protesta e studentëve ishte një shtysë shumë  e rëndësishme dhe adresoi disa aspkete shumë të rëndësishme. Ne do të shkojmë përtej kërkesave të tyre. Kur tre prej tyre kërkesave ishin thelbësisht për universitetin ata nuk mund të bëjnë sikur nuk e kuptojnë. Të treja ato që thash, më herët se vonë do të detyrohemi t’i bëjmë vetë duke ndërhyrë në legjislacion dhe duke marrë kompetencat që sot i kanë Univeristetet, por kjo nuk është diçka që ne e dëshirojmë dhe nuk është më e mira për t’u bërë.”, tha Rama.