Rritja e çmimin të ujit/ Basha: Veprim kriminal i Ramës dhe Veliajt ndaj qytetarëve

Kryetari i Partisë Demokratike, Lulzim Basha ka folur për herë të parë për debatin e tre ditëve të fundit për rritjen e çmimit të ujit në kryeqytet. Basha thotë se është një veprim kriminal i Ramës dhe Veliajt ndaj qytetarëve.

Postimi i plotë i Bashës në Facebook

Rritja e çmimit të ujit të pijshëm është veprim kriminal ndaj qytetarëve i Ramës dhe Veliajt. Është një tjetër rekord i një qeverie thellësisht anti-popull.

Pasi harxhoi më shumë se 500 milionë euro të parave publike për fasada dhe luks, Edi Rama u kujtua se qytetarët e Tiranës nuk kanë ujë. Për të kompensuar keqmenaxhimin dhe vjedhjen në ujësjellësin e Tiranës, Edi Rama përmes Erion Veliajt ka vendosur të dënojë qytetarët duke jua faturuar atyre koston e keqqeverises së tij.

1.  
   Partia Demokratike do të votojë nesër kundër këtoj vendimi anti-popullor dhe ju bën thirrje të gjithë këshilltarëve të tjerë bashkiakë të votojnë për interesat e qytetarëve që ata përfaqësojnë dhe jo të dyshes Ramës e Veliajt.