Kryeministri Edi Rama duket se e ka pritur shumë mirë vendimin e Kolegjit Zgjedhor që nuk e mori parasysh dekretin e pesidentit Ilir Meta për anulimin e zgjedhjeve, sa që ka vendosur të shpërndajë raportimin që mediat e huaja i bëjnë këtij lajmi.
Në një postim në Twitter, Rama ka shpërndarë raportimin e Associated Press nga New York Times, me titull ‘Kolegji Zgjedhor shqiptar urdhëron mbajtjen e zgjedhjeve vendore’.
Kolegji Zgjedhor rrëzoi sot kërkesën e Partia Uniteti Kombëtar, për t’u çregjistruar nga zgjedhjet, për shkak të dilemës pas dekretit të Metës. Vendimi i Kolegjit u konsiderua në favor të zhvillimit të zgjedhjeve në datën 30 qershor.
