Presidenti zbërthen kuptimin e ‘grupit të strukturuar PPPd’ që po kap shtetin. Ja kush fshihet pas tij

Kreu i shtetit, Ilir Meta ka zbërthyer kuptimin dhe ka treguar sot se kush fshihet sipas tij pas grupit të struktura me inicialet “PPPd”.

Presidenti ka thënë se njëra P është politika, P-ja tjetër është propaganda, P-ja tjetër është Policia që sipas tij po shantazhon politikanët, gazetarët dhe sipërmarrësit dhe d-ja e vogël janë disa ndërkombëtar që sipas tij kanë braktisur parimet demokratike.

 Kush fshihet pas grupit të strukturuar  “PPP dhe d e vogël’ që ju përmendet?

“Njëra P janë politikanët, P-ja tjetër është propaganda, P-ja tjetër policia, rrugët policisë që ndiqen për të shantazhuar politikanë, gazetarë, sipërmarrës  dhe d-ja e vogël janë ca diplomatë që kanë braktisur parimet demokratike, perëndimore”, u shpreh Meta.

Akuza për PPPd

Më herët Presidenti tha se është një grup i rrezikshëm që po tentonte kapë shtetin dhe këtë gjë ja ka bërë të qartë krerëve të opozitës.

“Fenomen i rrezikshëm i shtetit paralel dhe axhenda të nëndheshme që janë komplot kundër shqiptarëve që duan demokraci europaine dhe perëndimore.

Prej kohësh i kam bërë të qartë zotit Basha, Kryemadhit dhe mikut tim doktorit, që të jeni të kujdesshëm të mos bien pre e provokimeve të një grupi të strukturuar PPP dhe një d e vogël.

Kanë gjetur dhe njeriun e duhur për këtë çështje që nuk vjen në takim me presidentin por lahet në pishinë”, tha ai.