“Presidenti edhe mund të mos arrestohet”- Zëdhënësi i Metës i përgjigjet deputetes Felaj: Është një minë me sahat për…

Presidenti i Republikës, Ilir Meta i përgjigjet deklaratave të kryetares së komisionit të Ligjeve, Ermonela Felaj.

“Mungesa e vendosmërisë së hekurt revolucionare që shfaqi sot deputetja Ermonela Felaj, duke lënë një fije dyshimi që Presidenti i Republikës edhe mund të mos arrestohet, është një minë me sahat për “fitoren” përfundimtare të Reformës në Drejtësi!”, shkruan zëdhënësi i Presidentit, Tedi Blushi.

Deputetja Felaj tha se KLGJ, në raportin që i ka dërguar Kuvendit, ka gjetur një sërë shkeljesh të Këshillit të Lartë të Drejtësisë (KLD), nën kryesimin e kreut të shtetit.

“Në raportin e Këshillit të Lartë të Gjyqësorit janë gjetur një sërë shkeljesh të bëra nga Këshilli i Lartë i Drejtësisë, të cilin e drejtonte Presidenti.”-tha Felaj në Top Channel.

E pyetur se nga këto gjetje, apo më tej nga shkelja e rëndë e Kushtetutës, do të ketë arrestim të Presidentit Meta, Ermonela Felaj u përgjigj: “Jo domosdoshmërish. Varet nga rasti që do të marrin në shqyrtim. Komisioni Hetimor do të raportojë nëse këto shkelje janë ose jo çështje penale”, deklaroi ajo.