Mehdi Malkaj i kërkon sqarim Veliajt: Çfarë lloj çete jemi ne partizane, zogiste apo balliste?

Pjesë e tyre ishte edhe aktori Mehdi Malkaj, i cili iu përgjigj edhe kryebashkiakut Erion Veliaj që i konsideroi një çetë të vogël që janë kundër prishjes së Teatrit.

Malkaj i kërkoi një sqarim Veliajt për të përcaktuar se çfarë çete janë zogiste, balliste apo partizane.

“Jam si macja tek piano përballë pianos kur flitet për ligje. Teatri i nxori blof të gjithë arkitektët nga ishin dhe nga nuk ishin. Se është aty nuk i dridhet qerpiku fare. Hajde tërmet thotë. Është fatkeqësi e madhe për ata që pësuan nga tërmeti. Do ishte më mirë që kryetari të ndërtonte ndonjë gjë për ata që vuajnë atje, që kanë nevojë për kujdes sesa të merren me teatrin. Unë dua të sqaroj një gjë të vogël me veten të paktën çetë, tani ne jemi çetë partizane, çetë balliste, zogiste. Çfarë lloj çete jemi neve? Këtë dua të sqaroj. Po patët mundësi më jepni sqarim. Ore çfarë çete jemi ne? Jemi të armatosur apo nuk jemi të armatosur. Dreqi e mori, kjo lufta partizane, unë kam respekt për të por me çfarë ta filloj?”- tha ai.

Aktori u shpreh se nga çeta të vogla të shpërndara të gjithë u bënë bashkë dhe tani janë një batalion.

“Një çetë këtu, një çetë atje, një çetë atje u bëmë bashkë, u bë batalion, brigadë ku di unë. Ndihem mirë që jam pjesë e çetës,”- përfundoi Malkaj.