Koronavirusi vdekjeprurës përhapet globalisht, konfirmohen dy rastet e para në Britani.

Bëhet fjalë për dy raste të para të koronavirusit Wuhan në Britani.

Pacientët, të cilët janë anëtarë të së njëjtës familje, po trajtohen nga Shërbimi Kombëtar i Shëndetit në veri-perëndim të Anglisë.

“Pacientët janë duke marrë kujdesin mjekësor dhe ne jemi po përdorim procedura të kontrolluara për të parandaluar përhapjen e mëtejshme të virusit,”-tha profesori Chris Whitty në një deklaratë, duke shtuar se zyrtarët shëndetësorë po punojnë për të identifikuar personat e tjerë me të cilët pacientët mund të kenë rënë në kontakt.

Ndërsa në Gjermani është konfirmuar rasti i 5-të me koronavirus në shtetin jugor të Bavarisë. Pacienti ishte punësuar në të njëjtin vend pune me katër personat e tjerë që morën virusin nga një kolege që vizitoi Kinën.

Kolegia ishte me origjinë nga Shanghai dhe është kthyer sërish në shtetin e saj. Ajo u ndie e sëmurë gjatë fluturimit dhe rezultoi pozitive në testin e koronavisurit pas kthimit në Shanghai.

Ndërsa Koreja e Jugut konfirmoi 11 raste me koronavirus.

Dy nga katër rastet e konfirmuara rishtazi janë anëtarët e familjes së një prej pacientëve të parë.

“Një hetim i thelluar u krye mbi 8 persona që kishin kontakte me pacientin e 6-të dhe nga dy anëtarët e familjes së tij rezultate pozitiv,”- u tha në deklaratë.

Pacienti i tetë me koronavirus është një grua që hyri në Korenë e Jugut nga Wuhan në një fluturim më 23 janar.

Ndërkohë Organizata Botërore e Shëndetit (WHO) shpalli të enjten gjendjen e emergjencës. Koronavirusi deri tani raportohet se u ka marrë jetën 213 personave dhe po vazhdon të përhapet në të gjithë botën.

Në territorin e Kinës janë konfirmuar deri tani 9.709 raste.

Ndërsa ka më shumë se 140 raste të konfirmuara të virusit jashtë Kinës kontinentale, përfshirë 6 në Shtetet e Bashkuara.

Afro 60 milion njerëz janë bllokuar përkohësisht ose  me kohë të pjesshme në qytetet kineze për një javë.

Disa vende janë duke dërguar aeroplanët për të evakuuar qytetarët e huaj të bllokuar në Wuhan.