Avioni i rrëzuar në Turqi me 171 pasagjerë

Një avion i cili fluturonte nga Izmiri drejt aeroportit të Sabiha Gocken, në Stamboll, është rrëzua dhe më pas shpërtheu në flakë.

Më herët u bë e ditur se avioni i përket linjës “Pegasus Airlines” e cila operon edhe në Shqipëri që prej 2015. Kompania ajrore njihet për biletat e saj me çmime të lira dhe kjo është arsyeja përse ajo zgjidhet nga shumë udhëtarë shqiptarë.

Ndërkohë në bordin e avionit të rrëzuar në Stamboll ndodheshin 171 pasagjerë dhe 6 pjesëtarë të ekuipazhit. Ministri i Transportit, Mehmet Cahit Turhan, deklaroi se nuk kishte asnjë viktimë dhe vetëm 21 persona kishin pasur lëndime të lehta.