“Populli kuqezi është zgjuar”

Presidenti Ilir Meta ka qenë mjaft aktiv sot në rrjetet sociale, një ditë pasi organizoi manifestimin në bulevardin “Dëshmorët e Kombit”. “Populli kuqezi është zgjuar”, shkruan Presidenti teksa publikon edhe një video nga pjesëmarrja e qytetarëve.

“Demokracia nuk rrezikohet kur populli ngrihet në mbrojtje të Kushtetutës, por kur pushteti, me anë të ligjeve antikushtetuese dhe antipopullore, kërkon të shtypë vullnetin e popullit, të drejtat e qytetarëve dhe të drejtat e tyre kushtetuese”, shprehet Meta.

Presidenti Meta organizoi dje manifestimin kundër asaj që e quan “grush shteti” të mazhorancës në tentativën për të kontrolluar Gjykatën Kushtetuese.