Kryetari i Partisë Demokratike Lulzim Basha i ka bërë një kërkesë të çuditshme kryeministrit Edi Rama, sipas gazetares Eni Vasili, gjatë një interviste të kreut të qeverisë në një emision televiziv.
Basha i ka dërguar mesazh moderatores Eni Vasili, duke i kërkuar ta pyesë kryeministrin Edi Rama nëse është i gatshëm të japë dorëheqjen dhe drejtimin e qeverisë ta marrë Basha.
Rama ka shprehur mosbesimin se nuk është Basha ai që e dërgon këtë mesazh.
(Kryedemokrati Lulzim Basha i ka dërguar një mesazh moderatores Eni Vasili duke thënë se nuk është ai që ka nisur mesazhin, dhe ka kërkuar të sqarohet çështja se kush e ka dërguar mesazhin).
Ja dialogu në emision:
Eni Vasili: Pyete zotin Rama, a është i gatshëm të japë dorëheqjen dhe të ma kalojë mua drejtimin e qeverisë?
Edi Rama: Ja urdhëro, urdhëro. Po je i sigurtë që është ai personalisht?
Eni Vasili: Po bazuar në komunikimet e mëparshme, ai është…
Edi Rama: Nuk duhet t’ja vëmë re se mesa duket është në gjumë dhe e shtyp tastierën duke parë ëndërra. Si mund ta bëjë këtë pyetje
Edi Rama: Unë them që dikush i ka marrë telefonin se s’ka mundësi. Është e pamundur. Ai është në autobuz
Eni Vasili: Një sekondë, më duhet ta them edhe këtë. Basha më shkruan: “Eni Sapo më informuan, nuk kam çuar asnjë mesazh dhe emisionin nuk e ndiqja. Herë tjetër kontrollo zyrat e propagandës se është bërë shkelje.”
Eni Vasili: Edhe njëherë nuk e di se si ka ardhur ajo SMS.
