Lulzim Basha apel qeverisë: Shto testet !Çdo ditë e humbur kushton jetë

Kreu i Partisë Demokratike, Lulzim Basha ka reaguar në lidhje me situatën e të prekurve nga koronavirusi dhe numrin e testimeve në Shqipëri.

Basha shkruan se në rrjetet sociale se numri i ulët i testimeve fsheh të vërtetën, duke i kërkuar Qeverisë që të rrisë numrin e tyre.

Kryedemokrati thekson se për të shkëputur zinxhirin e testimeve nga Covid-19, e vetmja zgjidhje është rritja e testimeve, duke e lidhur këtë edhe me karakterin ekonomik.

“Sa më pak testime ,aq më gjatë vazhdon karantina dhe thellohet kriza ekonomike. Për të evidentuar të prekurit nga COVID-19, dhe për të shkëputur zinxhirin e transmetimit, qeveria duhet të rrisë numrin e testimeve. Numri i ulët i testimeve fsheh të vërtetën dhe kushton jetë’, shkruan kreu i demokratëve.

Reagimi i plotë:

Për të evidentuar të prekurit nga COVID-19, dhe për të shkëputur zinxhirin e transmetimit, qeveria duhet të rrisë numrin e testimeve.

Numri i ulët i testimeve fsheh të vërtetën dhe kushton jetë!

Sa më pak testime,

aq më pak persona të identifikuar, aq më shumë zgjatet zinxhiri i infeksionit,

dhe rritet numri i të infektuarve dhe i viktimave.

Sa më pak testime

aq më gjatë vazhdon karantina

dhe thellohet kriza ekonomike.

Duhet vepruar TANI, çdo ditë e humbur kushton jetë!