Vdekja e 23 vjeçarit në Tiranë, Policia ende asnjë reagim

Përditësuar më 13 Prill 2020, 18:54

Ditën e shtunë u raportua për një aksident të ndodhur në tregun e Uzinës Dinamo në Tiranë, ku një i ri me biçikletë ishte përplasur nga një kamion. Policia nuk bëri asnjë reagim mbi ngjarjen, ndërkohë që dy ditë më pas, në rrjetet sociale shkruhet se i riu ka ndërruar jetë që të shtunën.

Bëhet fjalë për shtetasin Reldi Guga, 23 vjeç, i cili u përplas nga kamioni me bylyk që po fuste materiale ndërtimi dhe hekur në pallatin brenda tregut.

Përplasja ka qenë fatale për të riun, i cili ka ndërruar jetë.

Policia e Shtetit nuk ka bërë asnjë reagim për ngjarjen dhe shkaqet e aksidentit.

U përplas nga një kamion që nuk duhet të ishte në rrugët e Tiranës. Por ishte aty sepse babëzia e Eriot të Bashkisë nuk pyet për jetën e një të riu. Sepse ndërkohë që ju nuk lejoheni të dilni, Erioni vazhdon të hedhi beton. Ngjarja u mbajt e fshehtë e nuk u raportua nga Policia e Shtetit.
Ka një arsye se përse vrasësit duhet të futen në burg. Sepse kur nuk dënohen, ata vrasin përsëri.
Pas Ardit Gjoklajt kjo është vrasja e dytë e Erionit.
Zoti e mëshiroftë shpirtin e këtij të riu e i dhëntë forcë familjarëve të tij.
Drejtësia për momentin është në karantinë bashkë me ne