Ish-deputetja e PD Dhurata Çupi ka vendosur nën akuza KLSH-në, pasi nuk ka nxjerrë asnjë raport mbi tenderat sekretë të qeverisë gjatë pandemisë COVID-19.
“Korrupsioni mbetet njolla më e zeze që në çdo raport ndërkombëtar e rendit Shqipërine në vendet më të korruptuar e krahasueshme me shtetet me demokraci të brishtë”, kështu shkruan Çupi në reagimin e saj.
Sipas saj vetëm në “7 vitet e fundit sipas të dhënave të KLSH, u shpërdoruan dhe u vodhën 6 miliardë euro”.
“Qeveria ka vendosur që paratë e shqiptareve ti përdorë ose shpërdorojë duke u fshehur pas “tenderave sekrete”, por duhet sqaruar që prokurimi publik behet per te patur transparencë në menaxhimin e parave publike të qytetarëve dhe taksapaguesve , për të rritur konkurencën dhe për të patur eficencë financiare”, shton ndër të tjera ish-deputetja.
Shkruan Dhurata Çupi: Tenderat sekret dhe korrupsioni miliona euro i Qeverise ne kohen e pandemise, drejtesia hesht ne karantine.
Korrupsioni mbetet njolla me e zeze që ne cdo raport nderkombetar e rendit Shqiperine ne vendet me te korruptuar e krahasueshme me shtetet me demokraci te brishte.
Vetem ne 7 vitet e fundit sipas te dhenave te KLSH, u shperdoruan dhe u vodhen 6 miliarde euro.
Keto jane te dhena zyrtare ndersa ende nga KLSH nuk ka nje raport mbi tenderat sekrete ne kohen e karantines, ku opozita ka denoncuar abuzime marramendese miliona euro te qeverise, nderkohe shqiptaret po vuajne pasojat e mbylljes nga pandemia e COVID 19.
Qeveria ka vendosur qe parate e shqiptareve ti perdore ose shperdoroje duke u fshehur pas “tenderave sekrete” , por duhet sqaruar qe prokurimi publik behet per te patur transparence ne menaxhimin e parave publike te qytetareve dhe taksapaguesve , per te rritur konkurencen dhe per te patur eficence financiare .
Por kohet e fundit permes prokurimeve eshte shfaqur mungese e theksuar e transparences perkundrazi cilesohen si sekrete. Nuk ka konkurrence madje as ka patur gare , dhe me e renda nuk ka patur eficence finaciare dhe shifrat kane rezultuar abuzive .
E perballe ketij hermetizmi per transprence per publikun, edhe drejtesia eshte futur ne karantine dhe po hesht duke e lene te lire rrugen e abuzimeve te qeverise me fondet publike .
Opozita ka treguar me fakte abuzimet prej miliona euro me parane publike, me korrupsionin nga specialistet e thjeshte deri tek “shefat” e medhenj te cilet mbeten te pandeshkuar.
Ne ju kemi treguar shqiptareve me fakte qe me prokurimin po abuzohet dhe se ka fakte te pakundershtueshme qe organet e drejtesise duhet te veprojne. Cdo dite po shohim qe pandeshkueshmeria e individeve qe kane qene pjese aktive e abuzimeve vazhdon te sundoje atmosferen e renduar dhe endemike.
Lidhjet ndërmjet, biznesit , politikanëve dhe grupeve kriminale sidomos nepermjet proceseve te prokurimeve publike, te ndërtimit , blerjeve te mallrave , shërbimeve te mirëmbajtjes, menaxhimin e mbetjeve, mbeten shqetesim dhe Shqiperia renditet ne krye te listes per nivelin e larte te korrupsionit.
Keto lidhje shfaqen hapur sidomos ne periudhe zgjedhjesh, te cilat “ligjerojne” procese zgjedhore dhe pushtete te pamerituara apo e thene ndryshe , ne konceptin e Bankes Boterore si “kapje e shtetit” .
Eshte koha qe drejtesia te zgjohet e te veproje, taksat e shqiptareve duhen perdorur per tu ardhur ne ndihme atyre dhe jo aferave korruptive te qeverise ne largim.
