Sot u shemb dhe Teatri i Palondërkombëtarëve bashkë me demokracinë

Naim Noka

Sot çdo njeri normal në këtë vend duhet  ta kuptojê qartë  që Nderkombetareve nuk ju plas se çfarë ndodhë në Shqipëri.Ajo që u intereson është stabiliteti i vendit duke e reklamuar Shqipërinë si një vend i qetë dhe demokratik.Sot duhet ta kuptojë edhe me budallai në këto troje se në Shqipëri ka kohë që është  shembur, forca e moralit, sistemi i vlerave dhe kishte kohë që qytetaria ishte  shembur bashkë me morali  Kombit tonë.  Jemi transformuar në një popull  të droguar  i cili po mbush 80 vite eksperiment  duke iu nështruar  llumit më të pisët politik. Një popull si  ky që jemi katandisur  nuk mund ta mbrojē më kulturën, Teatrin Kombëtar apo historinë dhe nderin e tij.

Sot nuk ra Teatri ynë Kombëtar,sot ra Fytyra e Teatrit Nderkombëtare që flasin e flasin për Demokracinë,që dalin pa pikë turpi e na hiqen si njerez të Demokratizuar nga vendet që vijnë.

Sot ra Teatri i Nderkombetarëve që kanë 30 vite që skane bere gjë tjeter perveçse Teater me Shqiperinë tonë të vuajtur.

Sot Teatri i madh Absurd  luhet  në sinkron  mes Palopolitikes, paloMedias paloMazhorancës dhe  paloopozitës. Ndaj dukemi sot më shumë se kurrë paloshqiponja, të frustruar, me paloshtet, me palodrejtësi, që na tërheq për hunde një palopsikopat.

Ne jemi të gjithë  paloaksionerë në degjenerimin e  këtij kombi.
Shqipëria do të rrojë edhe pse po luan pjesën e fundit të  dramës së gatuar po nga bijt e vet. Ndoshta na ka mbetur ende forcë që ta bëjmē  tokën  e këtij vendi që na lanë të parët të banueshme dhe të denjë për fëmijët dhe brezat që do vijnë. Ndoshta ka  trokitur dita që të mos vazhdojmë të jemi e keqja e vetes  tonë.

Të largojmë të  marrët nga  drejtimi i fateve dhe të ardhmes tonë.

Të vendosim sistemin e vlerave në kaq pak shqiptarë sa kemi mbetur në këto troje. Shqipëria nuk është as  e Bashës, as e Ramës as e paloambasadorëve që tallin ‘ Ramën’ me të ardhmen tonë