Përfaqësuesi i Ambasadës së SHBA takim me Gjiknurin dhe Bylykbashin brenda Këshillit Politik
Tjetër zhvillim i papritur në mbledhjen e Këshillit Politik ku përfaqësuesit e partive politike në vend po diskutojnë për të rënë dakort për reformën zgjedhore.
Mësohet se pak çaste më parë, përfaqësuesi i Ambasadës Amerikane në këtë takim ka tërhequr në një takim mënjanë përfaqësuesit e PS dhe PD, Damian Gjiknuri dhe Oerd Bylykbashi.
Në këtë takim nuk janë të pranishëm Petrit Vasili i LSI dhe Rudina Hajdari si përfaqësuese e opozitës parlamentare.
Ambasadorja Yuri Kim ka insistuar që palët të arrijnë në një marrëveshje brenda ditës së sotme, që është edhe afati i fundit i vendosur nga vetë palët.
Pak më herët burime nga PD bënë me dije se opozita e bashkuar ka dorëzuar në tryezën e diskutimeve të gjitha propozimet dhe insiston kushti për “qeverinë kujdestare”.
Keni një histori? Denonco anonimisht, identiteti juaj mbrohet.
Denonco
