Ngjarje të rënda në Tiranë: E zë korenti, vdes në vend një person, një tjetër bie nga lartësia e pallatit

Mësohet se një person ka rënë në kontakt me rrymën elektrike te vendi i quajtur “Bregu i Lumit” në Tiranë dhe ka ndërruar jetë.

Sakaq, një 59-vjeçar ka rënë nga lartësia e një pallati në ndërtim, i cili është  dërguar menjeherë në spital dhe ndodhet nënkujdesin e mjekëve.

Ndërkohë, policia ndodhet në vendngjarje dhe vijon puna për zbardhjen e rrethanave të ngjarjes.

Njoftimi i policisë:

• Me date 09.06.2020, rreth orës 14:05, në rrugën “Dritan Hoxha”, mjeti me drejtues shtetasin H.M., 49 vjeç, ka aksidentuar kembesorin P.Z., 60 vjeç, i cili u dërgua në spital, dhe ndodhet nën kujdesin e mjekëve.
• Me datë 09.06.2020, rreth orës 14:20, tek Ish-dogana, ka rënë nga lartësia e një pallati në ndërtim shtetasi R.K., 59 vjeç, i cili u dërgua menjeherë në spital dhe ndodhet nënkujdesin e mjekëve.
• Me datë 09.06.2020, rreth orës 14:45, në vendin e quajtur “Bregu i Lumit”, një shtetas ende i paidentifikuar, dyshohet se aksidentalisht ka rënë në kontakt me rrymën elektrike, ku për pasojë ka ndërruar jetë.

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.