Gjatë 24 orëve të fundit kanë ndërruar jetë 2 pacientë të infektuar me Covid në vendin tonë.
Një nga viktimat është një 34 vjeçare nga Librazhdi e cila vuante nga insuficenca renale kronike, diabeti, hipertensioni, e konfirmuar me Covid19, e shtruar në shërbimin infektiv prej disa ditësh, në gjendje të rëndë dhe e intubuar.
Gazetari Erjon Skëndaj raporton se 34 vjeçarja është infektuar në QSUT. Sipas tij e reja ishte e shtruar para se të diagnostikohej dhe me COVID-19, në QSUT, ndërsa vuante nga disa sëmundje.
“Viktima kishte covid të gradës së tretë. Ishte e inubuar, në gjendje të rëndë. Vajza ka qenë e shtruar në spital kur është prekur nga COVID. Këto nuk janë burime zyrtare, por kërkojmë informacione zyrtare nga ministria. Ne e kemi thënë në raste analoge që pacientë të tjerë janë prekur nga COIVD kur kanë qenë të shtruar në QSUT. kur bëhet abdetimi i informacioneve të Ministrisë, nuk thuhet se ata u prekën në spital.
Apo nuk thuhet se sa mjekë në këto 7-8 ditë në QSUT janë infektuar. Për fat të keq nuk kemi transparencë të paktën për këto ditë në spital. Të shtruar janë 82 persona, rreth 70 % e kapacitetit të Infektivit. Në ish-kirurgjinë janë 100 shtretër ku do të trajtohen rastet e lehta me COVID-19. Nëse kemi pasur 20 vdekje nga 1 maji e deri më tani, 10 prej këtyre vdekjeve kanë ardhur pas infektimit të tyre në QSUT, ku pacientët kanë qenë të shtruar për sëmundje të tjera”, tha Skëndaj për news 24.
