Pamjet e mësipërme janë shkëputur nga video e cila tregon momentin e ekzekutimit mafioz të Emiljano Ramazanit në Elbasan, dy ditë më parë.
Abc News ka siguruar pamjet video të momenit kur dy atentatorët ndalojnë para rrugës ku u vra Ramazani, ndërsa njëri prej tyre nxjerr armën nga brezi dhe vrapon drejt viktimës, kurse tjetri qëndron brenda mjetit të ndezur në anë të rrugës.
Vetëm 30 sekonda u është dashur dy atentatorëve të çojnë deri në fund “porosinë” e tyre.
Atentatori e ka qëlluar Emiljanon me 5 plumba teksa ai ishte brenda makinës Ford Fokus, pranë pallatit ku banonte. 39 vjeçari njihej si person me precedentë të theksuar penal në fushën e narkotikëve. Ai është arrestuar në vitin 2017 gjatë operacionit të koduar “Porosia e fundit”.
Në atë kohë Ramazani ishte duke udhëtuar së bashku me Marenglen Kamamin kur u ndaluan nga policia. Në makinë iu gjetën 10 doza kokaine, 14 aparate celularë dhe 50.000 lekë.
