Hoti konfirmon vajtjen në tryezën Kosovë – Serbi në Shtëpinë e Bardhë: Takohemi më 2 shtator
dërguari i posaçëm i Presidentit amerikan për bisedimet Kosovë-Serbi, Richard Grenell tha se udhëheqësit e dy vendeve do të takohen në Shtëpinë e Bardhë për bisedime më 2 shtator. Ambasadori Grenell e bëri njoftimin të enjten në Twitter, por nuk dha hollësi të tjera, njofton Zëri i Amerikës.
Kryeministri i Kosovës Avdullah Hoti ka konfirmuar takimin me palën serbe në Shtëpinë e Bardhë më 2 shtator, siç kishte njoftuar më herët në Twitter, i Dërguari i Posaçëm i Trump, ambasadori Richard Grenell.
Në mesazhin e tij në Fb, Hoti shprehet:
“SHBA ka qenë gjithmonë vendimtare në procesin e shtetndërtimit të Kosovës.
Më 2 shtator takohemi në Shtëpinë e Bardhë për të diskutuar me palën serbe, si dy vende të pavarura, për projekte madhore të bashkëpunimit ekonomik që do ta ndërrojnë perspektiven ekonomike të Kosovës dhe rajonit. Kosova është e bekuar me miqtë që ka,” ka përfunduar Hoti.
Keni një histori? Denonco anonimisht, identiteti juaj mbrohet.
Denonco
