Ambasadori i BE Luigi Soreca ka takuar sot kryetaren e KLGJ Naureda Llagami.
Gjatë takimit Soreca ka theksuar se plotësimi i pozicioneve të mbetura të Gjykatës së Lartë mbetet një përparësi kryesore që mbështetet nga BE.
“U takova sot me Kryetaren e KLGJ-së, Naureda Llagami. Këshilli luan një rol kryesor në sistemin e ri të gjyqësorit. Plotësimi i pozicioneve të mbetura të Gjykatës së Lartë mbetet një përparësi kryesore. BE-ja mbështet Këshillin dhe përpjekjet e tij për të rritur pavarësinë dhe efikasitetin e sistemit gjyqësor”, shkruan Soreca, krahas fotove ku shihet se janë takuar me grusht për shkak të pandemisë.
