Ia sekuestroi OFL, gjykata i kthen Lulzim Berishës edhe 1.2 milion litra naftë dhe BMW e blinduar

Operacioni Forca e Ligjit nuk i ka sekuestruar pasuritë e Lulzim Berishës.

Më herët OFL njoftoi se kishte sekuestruar 1.2 milion litra naftë në pronësi të Berishës dhe motrës së tij Enkelejda Shoshi, e cila iu rikthye përsëri ditën e  sotme.

Në 4 shkurt 2020, OFL i la 48 orë kohë Lulzim Berishës që të justifikonte pasurinë e tij, pasi dyshohet se e ka vënë mbi aktivitete të paligjshme.

Lulzim Berisha sapo mori formularin e vete deklarimit e plotësoi, duke deklaruar se është administratori i dy bizneseve.

Një biznes është bar – kafe, ndërsa biznesi tjetër merret me shitjen e naftës dhe quhet “RAJAN 2007”.

Këtë biznes Lulzim Berisha ka deklaruar se e ka së bashku me dy motrat e tij, Luljeta Berisha dhe Enkelejda Shoshi, ku vetë Lulzim Berisha zotëron 40% të aksioneve, ndërsa motrat e tij zotërojnë pjesën tjetër.

Në këtë biznes, Berisha ka pranuar se furnizon me karburant të gjitha anijet e peshkimit që që operojnë në të gjithë vijën bregdetare të Shqipërisë. Ai ka treguar se karburantin që furnizon anijet e peshkimit e siguron nga shoqëritë e ndryshme si Kastrati Group, Eida Euro-Petrol Durrësm Gega Oil etj.)

Sakaq, ai ka pranuar se pjesë e pasurisë së tij është edhe një autoveturë BMË, të cilën e ka  të blerë  në shumë 1 milonë lekë, në vitit 2019, të cilën SPAK ia sekuestroi dhe më pas ia riktheu sërish.

Motra e tij pasi doli vendimi i OFL për vetëdeklarimin e pasurisë nga Lulzim Berisha, deklaroi për newsbomb se i vëllai i saj kishte ndryshuar dhe nuk merrte më pjesë në veprimtari kriminale.