Vlorë: Të infektuar me covid në Kadastër, spital, në shkolla, në Polici dhe gjykatë
Covid-19 ka prekur pothuajse të gjitha institucionet në qytetin bregdetar të Vlorës, ashtu siç po ndodh aktualisht dhe në disa qytetet “të kuqe” të vendit.
Mësohet se në 24 orët e fundit në Vlorë janë konfirmuar pozitivë 2 punonjës të Kadastrës, 1 punonjës i Ujësjellës-Kanalizimeve dhe 4 infermierë të Spitalit Rajonal. Gjithashtu, Covid-19 nuk i ka “shpëtuar” as Gjykata e Apelit, ku dy punonjës kanë dalë pozitivë.
Në tre shkolla në qytetin bregdetar, një në fshat dhe një në Orikum, janë infektuar 5 mësues. Edhe në Policinë e Vlorës 2 punonjë kanë dalë me Covid-19. Madje, infeksioni “nuk është trembur” as nga njësia Delta Forcë, aty ku mësohet se një anëtar i saj ka dalë pozitiv.
Të gjithë rastet e sipërpërmendur raportohet se janë në gjendje të mirë shëndetësore dhe janë vetëkarantinuar.
Keni një histori? Denonco anonimisht, identiteti juaj mbrohet.
Denonco
