I vodhi paratë pacientit me Covid-19, Urdhri i Infermierit i heq licencën e punës Ronida Hysës

Ditën e sotme, Urdhri i Infermierëve ka njoftuar pezullimin e licencës për ushtrimin e profesionit të Ronida Hysës.

Reagimi i plotë:

Në kthim përgjigje të kërkesës suaj fillimisht Urdhri i Infermierit të Shqipërisë dëshiron të përcjellë me anën tuaj indinjatën dhe keqardhjen për sjelljen e patolerueshme nga ana e një infermiereje.

Së dyti ju bëjmë me dije se me marrjen informacionit për rastin në fjalë menjëherë është mbledhur Bordi dhe me vendim nr. 4 të datës 26.01. 2021 në bazë të neneve 9 dhe 13 të Statutit të UISH vendosi  bllokimin e lejes së ushtrimit të profesionit, deri në vendimin përfundimtar të gjykatës.

Në përfundim të procesit gjyqësor dhe marrjen e vendimit të formës së prerë do të merret vendimi për heqjen me ose pa afat të lejes së ushtrimit të profesionit të infermierit.