Familja përleshet me grabitësit të cilët tentuan të hynin në shtëpi dhe si pasoj mbeten të plagosur gruaja dhe djali

Ata kanë hasur në rezistencën e familjarëve, ku për pasojë kanë mbetur të plagosur R.G, 47 vjeçe dhe A.G, 13 vjeç.

Autorët janë larguar me shpejtësi, ndërkohë që policia ka shkuar menjëherë në vendngjarje dhe po vijojnë punën për identifikimin dhe kapjen e tyre.

“Më datë 05.02.2021, rreth orës  20:00, në fshatin Karpen, në Kavajë dyshohet se tre persona ende të paidentifikuar kanë tentuar të vjedhin në banesën e shtetasit B. G., 70 vjeç, por janë diktuar dhe kanë hasur në rezistencën e familjarëve, ku për pasojë është lënduar shtetasi A. G, 13 vjeç dhe shtetasja R. G., 47 vjeçe, të cilët ndodhen në spital, jashtë rrezikut për jetën.

Autorët nuk ka mundur të realizojnë vjedhjen dhe janë larguar me shpejtēsi. Shërbimet e policisë me marrjen e njoftimit kanë shkuar menjëherë në vendngjarje dhe vijon me sherbimet e shtuara krehja e zonës për kapjen e autorëve. Grupi hetimor nën drejtimin e Prokurorisë vijon punën për sigurimin e çdo prove që do ti shërbejnë zbardhjes së ngjarjes”, thuhet në njoftimin e policisë.