I riu Kristi Çinari, i dyshuar si autor i tre grabitjeve të famshme në Tiranë, është arrestuar sot në mbrëmje në Kosovë.
Ai grabiti dy farmaci, një prej tyre me armë lodër dhe gjithashtu kreu grabitjen në rrugën “Bardhyl” të Kredo.al dhe grabitjen e një farmacie tjetër në rrugën “Zhan D’ark”, ngjarje të ndodhura më 23 dhe 21 janar të këtij viti.
Kristi Çinari nuk është një emër i panjohur për blutë e kryeqytetit pasi edhe në vitin 2017 është proceduar për grabitjen e një farmacie. Çinari ishte pajisur me kartë identiteti kosovare, me emrin Blerim Krasniqi i lindur në Prishtinë.
