Dy ditë para zhdukjes, zbardhen mesazhet e Pecorellit me mikun e tij: Kontratat janë 70 mijë euro

Mediat italiane kanë publikuar disa mesazhe që Pecoreli ka shkëmbyer me miqtë e tij, pak kohë para se të zhdukej.

Në një mesazh që i ka dërguar mikut të tij, Fabrizio Paladino, të cilit i dërgoi një mesazh në datën 4 janar 2021 ai ka folur për shuma të mëdha parash.

“Sot rikthehem në Vlorë, të enjten kthehem në Tiranë, jam kthyer për të mbyllur disa kontrata. Është e vërtetë kontratat janë të 30, 40 e 70 mijë euro. E thënë në italisht duhet të të besojnë para se të vendosin”,- thuhet në mesazhet e Pecorellit.

Biznesmeni italian po investonte në Shqipëri, me pajisje që kishin një çmim të lartë.

Policia po vijon akoma hetimet për zbardhjen e plotë të ngjarjes.