Humb jetën në lule të rinisë 20-vjeçarja që u dërgua për kurim në Turqi, shpërthimi i bumbulës së gazit ishte fatal

20-vjeçarja Fatime Haxhidema që u plagos nga shpërthimi i bombulës së gazit në një lokal Ferizaj, u dërgua për kurim në Turqi, por fatkeqësisht ka ndërruar jetë.

E reja më 7 janar ishte nisur për t’u trajtuar në Turqi, por nga plagët e marra nuk arriti të mbijetojë. Ikja e saj nga kjo botë la pas dhimbje dhe lot jo vetëm tek familjarëtr, por tek të gjithë të afërmit dhe komuniteti i Ferizajt.

Lajmin e kanë bërë me dije të afërmit e saj përmes rrjeteve sociale.

“Lajm i trishtë për të gjithë ne! Pas shpërthimit që ndodhi tek ‘The Village’, duke mos mundur të tejkalojë lëndimet, sot ndërroi jetë shoqja jonë e klasës, Fatime Haxhidema! Ngushëllime gjithë familjes Haxhidema, ngushëllime gjithë shoqërisë! Zoti e shpërbleftë me Parajsë shoqen tonë, Zoti familjes ua shtoftë durimin!”, ka shkruar ajo.

Për rastin ka reaguar dhe kryetari i Komunës në Ferizaj, Agim Aliu.

TELEGRAM NGUSHËLLIMI

Me dhembje të thellë, sot, mora lajmin për ndarjen nga jeta të bashkëqytetares sonë, Fatime Haxhidema, e cila ishte e lënduar nga shpërthimi i fillimvitit në njërin nga restaurantet e Ferizajt dhe po trajtohej në shërbimin e specializuar mjekësor në Turqi.

Sot, jemi të gjithë të lënduar, të gjithë me familjen e të ndjerës. Ferizaj, humbi një bashkëqytetare, familja më të shtrenjtën familjare e shoqëria e saj, një mike të çmuar.

Lutemi që shpirti i saj të prehet në paqen e pafundme. Ngushëllime të sinqerta, familjes, miqve e të njohurve të të ndjerës.