Anti-Droga operacion te ‘Myslym Shyri’, prangosen 2 persona, kapet një çantë me 1117 gramë KOKAINË (EMRAT)

Në bazë të informaciove operative është bërë e mundur kapja në flagrancë e dy shtetasve të mësipërm, në rrugën “Nikolla Lena” në Tiranë, pasi gjatë kontrollit të ushtruar në automjetin me të cilin ata udhëtonin, shërbimet e Polcisië gjetën dhe sekuestruan një qese me lëndë narkotike Kokainë me peshë 1 kilogramë e 117 gramë.

Policia njofton se kishte grumbulluar informacione në rrugë operative se Luan Nexhipi 47 vjeç dhe Euklid Çelmeta, 39 vjeç, mereshin me shpërndarjen e lëndës narkotike të llojit “Kokainë” në sasi, në zona të ndryshme të qytetit të Tiranës.

Atyre veç drogës iu është sekuestruar automjeti me të cilin qarkullonin për të shitur lëndën narkotike, 6 aparate celular dhe një shumë parash të përfituara nga shitja.

Në  momentin e ndërhyrjes nga ana e punonjësve të policisë, për kapjen e tyre, të dy këta shtetas janë përpjekur të largohen me vrap për të shpëtuar, por nuk kanë mundur dot pasi janë vënë në pranga.

Materialet iu referuan për veprime të mëtejshme, Prokurorisë së Rrethit Gjyqësor Tiranë, për veprën penale “Prodhimi dhe shitja e lëndëve narkotike, e kryer në bashkëpunim”, njoftonm Policia.