Njeriu më i pasur i Republikës Çeke humb jetën tragjikisht teksa kishte shkuar për ski

Njeriu më i pasur i Republikës Çeke, manjati i investimeve Petr Kellner, ka vdekur së bashku me katër të tjerë pasi helikopteri me të cilin udhëtonin për ski në Alaskë u rrëzua.

Një person i mbijetoi përplasjes pranë një akullnaje dhe tani është në spital.

Kellner, 56 vjeç, themeloi grupin e investimeve PPF , i cili raportohet të ketë pasuri globale me vlerë 44 miliardë euro.

Pasuria e Kellner është vendosur në 17.5 miliardë dollarë nga Forbes. Shkaku i rrëzimit të së shtunës, afër akullnajës Knik, nuk është i qartë.

Kellner, aksioneri shumicë në PPF, la pas gruan dhe katër fëmijët e tij.

Helikopteri zbriti rreth 100 km nga Anchorage në Alaskë.

Kryeministri çek Andrej Babis, vetë një miliarder, e përshkroi rrëzimin në SHBA si “një tragjedi të pabesueshme”.