Emigranti shqiptar vret të dashurin e ish-gruas në sy të fëmijëve

Mediat në Belgjikë kanë njoftuar se 52-vjeçari Ismet Osmanaj u plagos me thikë të hënën në Waterbaan, Deurne , pranë një shkolle. Policia njoftoi se më pas viktima vdiq në vendngjarje. I dyshuari Betim A. 48-vjeçar u arrestua menjëherë. Siç raporton palnws.be , Betim A ishte duke e pritur Osmanajn, dhe e goditi kur ai mori fëmijët në shkollë me biçikletë.

Siç e përshkruajnë mediat në Belgjikë, pak para orës katër, disa dëshmitarë panë një tullac të veshur me një kostum gri dhe me një çantë rreth shpatullës që goditi një çiklist të veshur me pantallona të shkurtra pikërisht para shkollës. Me një zhurmë të fortë, Ismet Osmanaj, një 52 vjeçar kosovar, u përplas për tokë.

Sipas dëshmitarëve , autori goditi disa herë me një thikë kasapi dhe, u largua në heshtje.

Një fqinj gjithashtu pa incidentin dhe dëgjoi fëmijët të bërtisnin. Ashtu si dëshmitari tjetër, ai pa që autori e godiste viktimën me thikë kasapi. Së bashku me një infermiere u përpoqën të ndanin gjakun me një peshqir, por më kot.

Disa prindër që po prisnin në portën e shkollës treguan ngjarjen. “Kemi dëgjuar shumë të bërtitura dhe pamë dikë që binte nga biçikleta e tij”. “Çiklisti ishte shtrirë në tokë, ndërsa një burrë u përkul mbi të dhe e goditi disa herë në qafë”.

Siç raportojnë mediat atje, Ismet Osmanaj është i dashuri i ish-gruas së Betim A.

Prokuroria Publike ka konfirmuar zyrtarisht se ishte e qartë se të dy burrat e njohin njëri-tjetrin.

Rasti ndodhi në shkollën e fëmijëve të gruas. Ata fëmijë ishin dëshmitarë të vrasjes.