Plagosje me armë zjarri në Roskovec, policia jep detajet

Ngjarja thanë blutë rajonalë ka ndodhur pas një konflikti për motive të dobëta.

Mësohet se nga përdorimi i armës së zjarrit, është plagosur në këmbë shtetasi E. H., 40 vjeç, i cili pasi mori mjekim në spitalin e Fierit, u largua për në banesë.

Autori i dyshuar është shtetasi U. S., 50 vjeç për të cilin po vijon puna për kapjen e tij.

Sakaq, blutë e Fierit bëjnë me dije se sot, në spitalin e Lushnjës ka shkuar për mjekim shtetasi P. M., 63 vjeç, banues në Berat.

Ky person, dyshohet se është goditur nga një automjet, në fshatin Gurzë e Vogël.

63-vjeçari pasi mori mjekim u largua për në banesë.

Policia tha se po punon për identifikimin e drejtuesit të automjetit, i cili është larguar nga vendngjarja.

Specialistët për Hetimin e Krimeve në Komisariatin e Policisë Lushnjë proceduan penalisht shtetasin M. B., pasi ka ndezur një zjarr për djegien e barërave të thatë dhe si pasojë e përhapjes së flakëve janë djegur 70 rrënjë agrume në tokat e shtetasve L. K dhe A. H.

Ndërsa specialistët e Sektorit të Qarkullimit Rrugor në Policinë e Fierit proceduan penalisht shtetasin K. D., 55 vjeç, pasi duke drejtuar automjetin tip “Ford Focus” ka aksidentuar shtetasen G. Ç., 27 vjeçe, banuese në Fier, e cila ndodhet jashtë rrezikut për jetën.

Materialet i kaluan Prokurorisë, për veprime të mëtejshme procedurale.