U shtri përtokë nga policia/ Një ditë pas incidentit gazetari dëshmon në Prokurori: Tregova dinamikën dhe dhashë dy videot

Pas daljes nga organi i akuzës reporteri tha se dha dëshminë mbi ngjarjen, dhe dorëzoi dy videot e regjistruara në telefon. Po ashtu ai apeloi organet e drejtësisë të hedhin dritë mbi ngjarjen.

“U thirra nga ana e Prokurorisë për të dhënë dëshminë time për sa i përket ngjarjes së djeshme. Unë kreva detyrën time dhashë dëshminë time duke treguar të gjithë dinamikën e ngjarjes po ashtu dhashë edhe dy videot e regjistruara nga aparati im celular dhe apeloj që institucionet e drejtësisë të hedhin dritë mbi ngjarjen dhe të vendosin drejtësi”- tha Gjençaj për “News24”.

Pesë efektivët që u përfshinë në incidentin që dje bëri xhiron e mediave do të merren në pyetje po ashtu nga Prokuroria. Ndërkaq hetime ndaj efektivëve po kryen edhe Shërbimi për Çështjet e Brendshme dhe Ankesat.