Drejtuesi i Pfizer ngre alarmin: Mund të shfaqet varianti rezistent ndaj vaksinave anti-Covid

Këtë të martë, Drejtori i Përgjithshëm i Pfizer, Albert Bourla tha se kompania beson se një variant i rezistencës ndaj vaksinave COVID-19 ka të ngjarë të dalë një ditë.

Por ndërkohë, sipas Bourla, kompania ka krijuar një sistem për t’ju përgjigjur me vaksinë brenda 3 muajve, varianteve të reja që mund të shfaqen.

“Sa herë që shfaqet varianti i radhës në botë, shkencëtarët tanë po e neutralizojnë”, tha Bourla për FOX News.

“Shkencëtarët po bëjnë kërkime për të parë nëse ky variant mund t’i shpëtojë mbrojtjes së vaksinës sonë. Ne nuk kemi identifikuar ende asnjë, por besojmë se ka të ngjarë që një ditë, njëra prej tyre të shfaqet. “

Bourla vuri theksoi një proçedurë të kompanisë për të zhvilluar një vaksinë specifike ndaj varianteve brenda 95 ditëve nga identifikimi i variantit të ri shqetësues.

Ekspertët e sëmundjeve infektive dhe zyrtarët e shëndetit publik kanë përsëritur përgjatë muajve se zgjerimi i shtrirjes së vaksinave ekzistuese në të gjithë popullatën, në SHBA dhe jashtë saj, do të zvogëlojë mundësinë që virusi të pësojë mutacion të mëtejshëm